ОТМга ўқишга киритиб қўйишни ваъда қилган шахслар қўлга олинди
Тошкент давлат иқтисодиёт университетига ўқишга киритиб қўйиш эвазига 6 500 АҚШ доллари талаб қилинган
Бош прокуратура ҳузуридаги Департаментнинг Бектемир туман бўлим томонидан тезкор тадбир ўтказилди.
Тадбирда фуқаро Л.Т. ва бошқалар фуқаро Б.Х.ни юқори лавозимда ишловчи танишлари орқали Тошкент давлат иқтисодиёт университетига ўқишга киритиб қўйиш эвазига 6 500 АҚШ долларини олган вақтида ашёвий далиллар билан ушланган.
Шу каби, Департамент ҳамда ДХХнинг Фарғона тумани бўлимлари томонидан ўтказилган тезкор тадбирда фуқаро Ш.А. фуқаро Ф.М.ни қўшни Қирғиз Республикаси давлат университетига ўқишга киритиб қўйишни ваъда беради. Ш.А. кейинчалик ўқишини танишлари ёрдамида Фарғона давлат университетига кўчириб бериш эвазига 1 400 АҚШ долларини олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 25, 168-моддаси (фирибгарлик) билан жиноят ишлари қўзғатилиб, тергов ҳаракатлари ўтказилаётгани айтилди.
