Ўзбекистон Республикаси энергетика вазири Жўрабек Мирзамаҳмудов Москвада Россия ҳукумати қаҳбари ўринбосари Александр Новак билан учрашди. Томонлар газ, нефт, электроэнергетика соҳалари, жумладан, қайта тикланадиган энергия ва гидроэнергетика лойиҳалари, шунингдек, атом қурилиши соҳасидаги ҳамкорлик масалаларини муҳокама қилди.

«Биз Россия—Ўзбекистон муносабатларининг қардошлик хусусиятини юксак қадрлаймиз. Давом этаётган геосиёсий кескинликка қарамай, Россия—Ўзбекистон стратегик шериклик ва иттифоқчилик алоқалари фаол ривожланмоқда. Икки томонлама ҳамкорликни кенгайтириш ва чуқурлаштириш бўйича кенг қамровли ишлар давом этмоқда», — деди Александр Новак.

Суҳбат чоғида, хусусан, Ўзбекистонга нефт ва нефт маҳсулотлари етказиб беришни кўпайтириш имкониятлари, шунингдек, «Росатом»нинг янги ядровий иншоотларни қуришдаги иштироки муҳокама қилинган.

Учрашув якунида Александр Новак Жўрабек Мирзамаҳмудовни учта муҳим халқаро саноат тадбирида: 3–4 май кунлари Минералние Води шаҳрида бўлиб ўтадиган биринчи Кавказ инвестиция кўргазмасида, шунингдек, 14–17 июнь кунлари бўлиб ўтадиган Санкт-Петербург халқаро иқтисодий форумида ҳамда 11–13 октябр кунлари Москвада бўлиб ўтадиган Россия энергетика ҳафталигида иштирок этишга таклиф қилган.