11:44 | 20.06.24

                       

Ўзбекистонда 1-синфга онлайн қабул қачондан бошланиши маълум бўлди

Ўзбекистонда 1-синфга онлайн қабул қачондан бошланиши маълум бўлди.

Ўзбекистонда 1-синфга онлайн қабул электрон тизими 12:00 да ишга туширилади. Бу ҳақда Мактабгача ва мактаб таълими вазирлиги ахборот хизмати хабар берди.

«2024-2025-ўқув йилида фарзандингизни умумтаълим мактабининг 1-синфига жойлаштириш учун my.maktab.uz электрон платформаси орқали рўйхатдан ўтиб, ариза топширишингиз мумкин. Шуни эслатиб ўтиш жоизки, дастлаб жорий йилнинг 20 июнь санасидан 31 июлига қадар фақат микроҳудуд доирасида аризалар қабул қилинади», — дейилади хабарда.

Қабул жараёнлари бўйича қўшимча маълумотларни @mymaktab_uz телеграм канали ёки 71 203-07-04 телефон рақами орқали олиш мумкин.

Мавзуга доир хабарлар билан танишинг: