Статистика агентлиги матбуот хизмати қайси соҳаларда чет эл инвестицияси иштирокидаги корхоналар сони кўпроқлигини маълум қилди.

Қайд этилишича, Ўзбекистонда 2024 йил 1 июль ҳолатига чет эл инвестицияси иштирокида 13 880 та корхоналар фаолият кўрсатаётган бўлиб, шундан 4 221 таси қўшма ва 9 659 таси хорижий корхоналардир.

Соҳалар кесимида эса улар қуйидагича:

• савдо соҳасида – 4 833 та;
• саноат соҳасида – 3 091 та;
• қурилиш соҳасида – 985 та;
• ахборот ва алоқа соҳасида – 954 та;
• яшаш ва овқатланиш бўйича хизматлар соҳасида – 548 та;
• ташиш ва сақлаш соҳасида – 474 та;
• қишлоқ, ўрмон ва балиқчилик хўжалиги соҳасида – 385 та;
• соғлиқни сақлаш ва ижтимоий хизмат кўрсатиш соҳасида – 184 та;
• бошқа соҳаларда – 2 426 та.