ОТМларда талабаларнинг турар жойга жойлашишига ёрдамлашувчи марказлар ташкил этилди. Бу ҳақда Олий таълим матбуот хизмати хабар берди.

Қайд этилишича, давлат олий таълим муассасаларида талабаларни ишончли турар жойларга жойлаштириш масалалари билан боғлиқ мурожаатларни ҳал қилиш учун «Талабалар турар жойлари ва ижара хонадонлари бўйича маълумотлар марказ»лари фаолият юритиб келмоқда. Улар:

• Урганч давлат педагогика институти;
• Наманган давлат чет тиллари институти;
• Андижон давлат педагогика институти;
• Андижон давлат чет тиллари институти;
• Бухоро табиий ресурсларни бошқариш институти;
• Гулистон давлат педагогика институти;
• Самарқанд давлат ветеринария медицинаси, чорвачилик ва биотехнологиялар университети;
• Ўзбекистон-Финландия педагогика институти.

Шунингдек, республика миқёсида қолган олийгоҳларда ҳам мазкур марказлар фаолиятини йўлга қўйиш ишлари давом этмоқда.