Франция пойтахти Париж шаҳри мезбонлик қилаётган Паралимпиада ўйинларида Ўзбекистон делегацияси умумжамоа ҳисобида 12-ўринни эгаллаб турибди.

Ўзбекистонлик спортчилар мусобақа бошланганидан бери жами 8 та олтин, 6 та кумуш ва 4 та бронза медалига эга чиқди.

Хитой делегацияси муддатидан аввал умумжамоа ҳисобида 1-ўринни кафолатлади. Хитойликлар 74 та олтин, 55 та кумуш ва 38 та бронза, жами 167 та медаль жамғарди. Уларнинг энг яқин таъқибчиси британиялик параспортчилар ҳисобланади. Инглизлар шу вақтга қадар 37 та олтин, 29 та кумуш ва 19 та бронза, жами 85 та медаль жамғаришга улгурди. Кучли учликка 78 та медаль билан Америка вакиллари якун ясаб берди.