Шавкат Мирзиёев 1 ноябрь куни Россия ҳукумати раисининг ўринбосари Дмитрий Чернишенко бошчилигидаги делегацияни қабул қилди. Бу ҳақда Президент матбуот хизмати хабар берди.

Россия делегацияси таркибида учрашувда вазирлар Алексей Чекунков ва Сергей Кравцов ҳам қатнашди.

Учрашувжа Ўзбекистон-Россия кўп қиррали муносабатларини янада кенгайтириш масалалари кўриб чиқилди.

Учрашув аввалида Дмитрий Чернишенко Ўзбекистон етакчисига Россия президенти Владимир Путин ва ҳукумат раиси Михаил Мишустиннинг саломини етказди.

Суҳбат давомида икки мамлакат ўртасидаги таълим ва гуманитар алмашинувни кенгайтиришга алоҳида эътибор қаратилди.

Жумладан, Россиянинг етакчи олий таълим муассасалари фаолияти ва Ўзбекистонда уларнинг янги филиалларини очиш, юқори малакали педагог кадрлар тайёрлаш масалалари муҳокама қилинди.

Томонлар ўзаро сайёҳлар оқимини кўпайтириш, қўшма маданий ва спорт тадбирларини ўтказишдан манфаатдор эканлиги қайд этилди.