Қамчиқ довонида ЙТҲ сабаб юк автомобилларининг ҳаракати чекланган. Бу ҳақда ЙҲХХ матбуот хизмати хабар берди.

Маълум қилинишича, Қамчиқ довони ҳудудидан ўтувчи А-373 автомобиль йўлининг 229-километрида ёмғир ёғаётганлиги сабабли юк машинаси сирпаниб, темир тўсиққа урилган. ЙТҲ оқибатида тан жароҳати олганлар йўқ.

Мазкур ҳодиса сабаб юк автомобилларига «Водий-Тошкент» йўналишида вақтинча ҳаракат чекланган. ФВВ ҳамда ЙҲХХ ходимлари томонидан ЙТҲга учраган юк автомобилини йўлдан олиш чоралари кўрилди.

Маълумотларга кўра, ҳозирда транспорт воситаларининг ҳаракати тўлиқ тикланган.