17:23 | 05.11.24
Қамчиқ довонида юк машинаси ёниб кетди — видео
Қамчиқ довонида ғилдираги чиқиб кетган юк машинасида ёнғин содир бўлди (видео).
Водий ва Тошкентни боғловчи Қамчиқ довонида 5 ноябрь куни юк машинаси ёниб кетди. Бу ҳақда Йўл ҳаракати хавфсизлиги хизмати хабар берди.
Воқеа соат 13:30 атрофида довон ҳудудидан ўтувчи А-373 автомобиль йўлининг 258-километрида содир бўлган. Аниқланишича, Тошкент-Водий йўналишида ҳаракатланиб келаётган юк автомобилининг олд ғилдираги чиқиб кетиб, ёнғин содир бўлган.
Ҳодисада тан жароҳати олганлар бўлмаган. Воқеа жойида довон ЙПХ отряди ва ФВВ ходимлари ҳолатни тўлиқ назоратга олган.
Мавзуга доир хабарлар билан танишинг:
