11:20 | 08.11.24
Қўқонда Nexia’нинг устига дарахт қулади
Қўқон шаҳрида автомобиль устига улкан чинор дарахти қулади (видео).
Қўқон шаҳрида 6 ноябрь куни Nexia автомобили устига улкан чинор дарахти қулади. Бу ҳақда Фарғона вилояти Фавқулодда вазиятлар бошқармаси ахборот хизмати хабар берди.
Ҳодиса соат 20:29 да шаҳарнинг Сарбоз кўчаси 24 уй олдида содир бўлган. Nexia устига ва автомобиллар қатнов қисмига чинор дарахти қулаб тушган. Машинага жиддий зиён етган. Йўлнинг қатнов қисмида бошқа автомобиль ҳамда пиёдалар бўлмаган.
Чинор дарахти Қўқон шаҳар ФВБ ҳамда шаҳар ободонлаштириш бўлими ходимлари томонидан зудлик билан махсус мосламалар ёрдамида майдаланиб автомобиль қатнови йўлга қўйилган. Ҳодиса натижасида жабрланганлар бўлмаган.
Мавзуга доир хабарлар билан танишинг:
