18:30 | 06.08.24
Қозоғистон пойтахти Остонада Алишер Навоий ҳайкали очилади
Мирзиёев 7-9 август кунлари Қозоғистонга боради. Давлат ташрифи доирасида Остонада Алишер Навоий ҳайкалининг очилиши кўзда тутилган.
Шавкат Мирзиёев 7-9 август кунлари давлат ташрифи билан Қозоғистонга бориши ҳақида хабар берилган эди.
Маълум қилинишича, Президентлар раислигида Олий давлатлараро кенгашнинг биринчи йиғилиши ўтказилиши режалаштирилган.
Шунингдек, Қозоғистон пойтахтида буюк ўзбек шоири ва мутафаккири Алишер Навоий ҳайкалининг очилиши кўзда тутилган.
Шавкат Мирзиёев 9 август куни Остона шаҳрида бўлиб ўтадиган Марказий Осиё давлатлари раҳбарларининг навбатдаги Маслаҳат учрашуви ва «Марказий Осиё + Япония» мулоқотининг биринчи саммитида ҳам иштирок этади.
Мавзуга доир хабарлар билан танишинг:
