Миграция агентлиги Қозоғистондаги Ўзбекистон фуқароларини ноқулай об-ҳаво шароити сабаб огоҳлантирди.

Сўнгги кунларда Қозоғистонда об-ҳавонинг кескин совиши натижасида йўлларда ҳаракатланишда ноқулайликлар юзага келмоқда. Яқин ҳафталар давомида туман, кучли ёмғир ва йўлларда музлаш ҳолатлари кузатилиши мумкин, бу эса Республика даражасидаги автойўлларда ҳаракатланишда қийинчиликлар келтириб чиқаради.

Шу сабабли, Қозоғистонда бўлиб турган Ўзбекистон фуқароларидан йўлларда ҳаракатланишда барча хавфсизлик қоидаларига қатъий риоя қилиш, хавфсиз транспорт воситаларидан фойдаланиш ва зарурат бўлмаганда узоқ масофали йўлларда ҳаракатланмаслик сўралмоқда.