Россия Беларусга ядро каллакларини жойлаштирмоқда — Путин
Россия президенти ядро қуролидан фойдаланишга эҳтиёж йўқлигини айтди
Россия президенти Владимир Путиннинг айтишича, Россия Ғарбга огоҳлантириш сифатида Беларусда ядровий бомбаларни жойлаштирмоқда.
Президент Владимир Путин Беларусга тактик ядро қуролини жойлаштириши Ғарбга нисбатан огоҳлантириш бўлиб, Россия стратегик мағлубиятга учрамайди, — деб айтди.
Санкт-Петербургда бўлиб ўтган иқтисодий форумда нутқ сўзлаган Путин, Россиянинг тактик ядро каллаклари аллақачон яқин иттифоқдоши Беларусга етказиб берилганини айтди. Бироқ, у ҳозирча Россиянинг ядровий қуролга ўтишига ҳожат йўқлигини ҳам таъкидлади.
Биласизки, биз иттифоқчимиз билан ушбу тактик ядро қуролларининг бир қисмини Беларус ҳудудига олиб ўтишимиз ҳақида музокаралар олиб боргандик — ва бу содир бўлди, — деди Путин.
