21:06 | 13.09.23

                       

Россия сунъий йўлдош технологияларини Шимолий Кореяга беради

«Бизнинг бу ерга келишдан мақсадимиз шу эди. КХДР раҳбари ракета технологияларига катта қизиқиш билдирмоқда, улар космонавтикани ривожлантиришга ҳаракат қилишмоқда», — Владимир Путин.

Россия Президенти Владимир Путин Россия Корея Халқ Демократик Республикасига сунъий йўлдошлар қуришда яқиндан ёрдам беришини маълум қилди. Шимоллик ҳукумат раҳбари Ким Чен Иннинг «Восточний» космодромига ташриф буюришдан мақсади ҳам шу бўлган. Бу ҳақда «Риа Новости» нашри хабар бермоқда.

Фото: Sputnik

Шунингдек, Рус ҳукумати етакчиси музокараларда ҳарбий-техник ҳамкорлик муҳокама қилинадими, деган саволга жавобан барча масалалар аста-секин муҳокама қилинишини айтган. Шунингдек, у Россия Федерацияси мудофаа вазири Сергей Шойгу яқинда Шимолий Кореяда бўлганини, у ерда илиқ кутиб олинганини алоҳида таъкидлаган.

«Бизнинг бу ерга келишдан мақсадимиз шу эди. КХДР раҳбари ракета технологияларига катта қизиқиш билдирмоқда, улар космонавтикани ривожлантиришга ҳаракат қилишмоқда», – дея интервью берган Владимир Путин журналистларга.

Маълумот ўрнида, кеча 12 сентябр куни КХДР раҳбари Ким Чен Ин Владивосток шаҳрига бронепоездда етиб борди ва Путин билан учрашди. Ғарб нашрлари учрашувдан мақсад қурол-яроғ келишувига эришиш эканлигини тахмин қилган эди.

Мавзуга доир хабарлар билан танишинг: