Россияда бир ерда ишлайдиган икки ўзбекистонлик ўзаро муштлашди
22 ёшли йигит танишига арматура билан зарба берган.
Россиянинг Москва шаҳрида икки ўзбекистонлик ўзаро муштлашди. Бу ҳақда Bugun.uz манбаси хабар берди.
Қайд этилишича, 2001 йилда туғилган Элёр Мелиев (исми ўзгартирилган) 1999 йилда туғилган, ўзи билан бирга курьер бўлиб ишлайдиган таниши билан 2023 йилнинг 24 сентябр куни Москва шаҳрининг Строминка кўчасида жойлашган автотураргоҳда ўзаро жанжаллашиб қолган. Жанжал нимадан чиққани маълум эмас. Оғзаки тортишиш муштлашувга айланиб, Э.М. шеригини арматура билан урган. Оқибатда 24 ёшли йигит қўлининг билак қисми найсимон суяги синган.
Ҳолат юзасидан қасддан баданга оғир шикаст етказиш айблови билан жиноят иши қўзғатилган.
Эслатиб ўтамиз, аввалроқ Россияда икки нафар ўзбекистонлик йигит 35 ёшли аёлни зўрлашда гумон қилинганди.
