Магадан вилоятида ҳайдовчилик билан шуғулланувчи 37 ёшли Ўзбекистон фуқаросига нисбатан зўрлаш айблови бўйича жиноий иш қўзғатилди. Бу ҳақда Россия минтақавий Тергов қўмитаси ахборот хизмати маълум қилди.

Маълумотга кўра, 2023 йил 29 октябр куни эрталаб айбланувчи Магадан шаҳридан 18 ёшли қизни олиб кетаётиб, Ола қишлоғига етиб келгач, уни зўрлаган.

Ўзбекистон фуқароси Россия Жиноят кодексининг 131-моддаси (зўрлаш) 1-қисмида назарда тутилган жиноятни содир этишда айбланган. Мазкур жиноят иши Магадан вилояти Тергов қўмитаси томонидан тергов қилинмоқда. Ҳозирда айбланувчи суд қарори билан ҳибсда сақланаяпти.

Аввалроқ, Россияда икки ўзбекистонлик 35 ёшли аёлни зўрлашда гумон қилинаётгани, Россияда ўзбекистонлик йигит 23 ёшли қизни зўрлашга урингани, Москвада ўзбекистонлик 29 ёшли йигит қизни зўрлашга урингани, Москвада ёлланма ишчи аёлларни зўрлаш билан шуғулланиб келган ўзбекистонлик эркак ушлангани тўғрисида хабар берилганди.