15:42 | 05.06.23
Сайлов ташвиқотлари 7 июндан бошланади
Президентлик сайловига номзодлар рўйхати шакллантирилди
Марказий сайлов комиссиясининг мажлисида Ўзбекистон Республикаси Президентлигига номзодларнинг сайловолди ташвиқотини ўтказиш масаласи муҳокама этилди.
Президентликка номзодларнинг сайловолди ташвиқоти 2023 йил 7 июндан бошланиши қайд этилиб, қарор қабул қилинди.
Шунингдек, мажлисда Ўзбекистон Республикаси Президентлигига кўрсатилган номзодлар рўйхатга олинди:
- Улуғбек Илёсович Иноятов, Халқ демократик партияси;
- Шавкат Миромонович Мирзиёев, Тадбиркорлар ва ишбилармонлар ҳаракати – Ўзбекистон либерал-демократик партияси;
- Робахон Анваровна Маҳмудова, Ўзбекистон «Адолат» социал-демократик партияси;
- Абдушукур Худойқулович Ҳамзаев, Ўзбекистон Экологик партияси.
