Самарқанд вилояти Оқдарё туманида автомобил ҳайдовчиси бошқарувни йўқотиш оқибатида каналга тушиб кетди. Бу ҳақда вилоят ИИБ ЙҲХБ матбуот хизмати хабар берди.

Маълум қилинишича, хайдовчи 2024 йил 8 июль куни Оқдарё тумани «Бошдархон» МФЙ ички йўлида «Некция-3» русумли автомобилини бошқариб келаётиб рўл бошқарувини йўқотган. Оқибатда «Шахоб» каналига тушиб кетиб, ЙТҲ содир қилган.

Аниқланишича, ҳайдовчи тан жароҳати олмаган. Аммо автомашинага моддий зарар етган. Ҳолат юзасидан суриштирув ишлари олиб борилмоқда.