Самарқанддаги «Боқий шаҳар» тарихий ва этнографик боғида чет эл фуқаролари учун ички ҳудудда фаолият юритадиган duty-free дўкони очилди.

Ушбу дўконга лицензия тақдим этиш маросимида Silk Road Samarkand мажмуаси раҳбарлари, Божхона қўмитаси вакиллари, сайёҳлик полицияси ва AeroHoreca вакиллари иштирок этди.

Шунингдек, мажмуада яна иккита дўкон очилиши режалаштирилган, булар Silk Road by Minyoun ва Samarkand Regency Amir Temur меҳмонхоналарида.

Duty-free дўконларида товарларни шахсни тасдиқловчи ҳужжат, шунингдек, қайтиш чиптаси тақдим этилгандан сўнг сотиб олиш мумкин. Мижозларга Самарқанд халқаро аэропортидан жўнаб кетаётганда сотиб олинган товарлари қадоқланган равишда топширилиши қайд этилди.