Сергели туманида Mercedes-Benz русумли жамоат транспорт воситасида ёнғин келиб чиқди. Бу ҳақда Тошкент шаҳар ИИББ ЙҲХБ ахборот хизмати хабар берди.

Қайд этилишича, 2024 йилнинг 15 июнь куни соат 11:35 ларда Сергели тумани Лутфикор кўчасида, Mercedes-Benz русумли транспорт воситасида ёнғин келиб чиққан.

Маълумотга кўра, ёнғин туман ФВБ ходимлари томонидан бартараф этилган. Тан жароҳати олганлар йўқ. Мазкур ҳодиса юзасидан ЙҲХБ ҳамда ФВБ ходимлари томонидан суриштирув олиб борилиб, ёнғин юзага келишининг сабаблари ва зарар миқдорига аниқлик киритилмоқда.

Барча ҳайдовчилардан бошқарувидаги транспорт воситасининг техник созлигига эътиборли бўлишлари сўралди.