Ўзбекистон Миллий паралимпия қўмитаси Ижроқўм йиғилишининг тегишли қарори билан Мирзиёева Шаҳноза Шавкатовна Ўзбекистон Миллий паралимпия қўмитаси раисининг биринчи ўринбосари лавозимига сайланди. Бу ҳақда қўмита ахборот хизмати маълум қилди.

Шаҳноза Мирзиёева ҳозирда Президент ҳузуридаги ижтимоий ҳимоя миллий агентлиги директорининг биринчи ўринбосари лавозимида ҳам фаолият юритиб келмоқда.

«Миллий Паралимпия оиласи номидан Шаҳноза Мирзиёевани янги масъулиятли вазифа билан табриклаб, келгуси фаолиятларида омад тилаймиз!», дейилади хабарда.