Президент Шавкат Мирзиёев бугун, 13 октябр куни Бишкек шаҳрида ўтаётган Мустақил давлатлар ҳамдўстлиги саммити доирасида Беларус Президенти Александр Лукашенко билан учрашув ўтказди. Бу ҳақда Президент матбуот хизмати хабар берди.

Учрашувда Икки мамлакат етакчиси икки томонлама муносабатлар кун тартибидаги масалаларни муҳокама қилган.

Давлат раҳбарлари савдо-иқтисодий ва гуманитар ҳамкорликни янада кенгайтириш бўйича ўзаро мувофиқлашган чораларни кўриш, ҳукуматлараро комиссиянинг навбатдаги йиғилиши, ҳудудлар форуми ҳамда Ўзбекистон ва Беларус етакчи олий таълим муассасалари ректорларининг учрашувини ташкил этиш кераклиги ҳақида музокара юритган.

Шунингдек, МДҲ ва бошқа халқаро тузилмалар доирасидаги ҳамкорлик юзасидан фикр алмашилиб, ўтказиладиган тадбирлар режаси ҳам кўриб чиқилган.