Шавкат Мирзиёев Бирлашган Миллатлар Ташкилотининг 78-сессиясида қатнашиш учун АҚШнинг Ню-Йорк шаҳрига учиб кетгани ҳақида хабар берилган эди. Давлат раҳбари бугун, 18 сентябр куни ташриф давомида қандай учрашувлар ўтказиши маълум қилинди. Бу ҳақда Президент матбуот хизмати хабар берди.

Қайд этилишича, Шавкат Мирзиёев бугун Европа Кенгаши Президенти Шарл Мишел, Халқаро валюта фонди бошқарувчи директори Кристалина Георгиева, Америка-Ўзбекистон савдо палатаси раиси Кэролин Лэмм, Air Products компанияси бош ижрочи директори Сейфи Гасеми билан учрашади.

Эслатиб ўтамиз, давлат раҳбари АҚШда мамлакат етакчиси Жо Байден ҳамда Марказий Осиё давлат раҳбарларининг мулоқотида ҳам иштирок этиши кўзда тутилган.