Шавкат Мирзиёев туркий давлатлар раҳбарларини жадидларнинг илмий-ижодий меросини ўрганиш ишларини янги босқичга кўтаришга чақирди
Президент жадидларнинг фаолиятига бағишланган Ўзбекистонда ўтказиладиган халқаро анжуманга ТДТ вакилларини таклиф қилди.
Шавкат Мирзиёев жадидларнинг миллий ўзлиги ва давлатчилик ғояларини муҳокама қилишга бағишланган халқаро анжуманга Туркий Давлатлар ташкилоти вакилларини таклиф қилган.
«Ўтган асрда яшаган жадид боболаримизнинг ибратли фаолияти, илмий-ижодий меросини чуқур ўрганиш зарур.
Таъкидлаш ўринлики, ўтган асрда яшаган жадид боболаримизнинг ибратли фаолияти, илмий-ижодий меросини чуқур ўрганиш юзасидан аъзо мамлакатларда катта ишлар амалга оширилмоқда.
Ана шу ишларни янги босқичга кўтариш мақсадида жорий йилнинг декабрь ойида юртимизда бўлиб ўтадиган ‘Жадидлар: миллий ўзлик, истиқлол ва давлатчилик ғоялари’ мавзусидаги халқаро анжуманда вакилларингизни фаол иштирок этишга таклиф этамиз», – деди Шавквт Мирзиёев Остона шаҳрида бўлиб ўтаётган Туркий Давлатлар ташкилоти Давлат раҳбарлари кенгашининг навбатдаги йиғилишида.
