Шавкат Мирзиёев Жаҳон банкининг Европа ва Марказий Осиё минтақаси бўйича вице-президентини қабул қилди
Кун тартибидан камбағалликка қарши курашиш, энергетика тармоғини трансформация қилиш, давлат корхоналарини хусусийлаштириш соҳаларида амалий ҳамкорликни кенгайтириш каби масалалар ўрин олди
Шавкат Мирзиёев Жаҳон банкининг Европа ва Марказий Осиё минтақаси бўйича вице-президенти Анна Бердени қабул қилди. Бу ҳақда Президент матбуот хизмати хабар берди.
Маълум қилинишича, камбағалликка қарши курашиш, энергетика тармоғини трансформация қилиш, давлат корхоналарини хусусийлаштириш соҳаларида амалий ҳамкорликни кенгайтириш, ижтимоий дастурларни қўллаб-қувватлаш каби масалалар кун тартибидан ўрин олган.
Таъкидлаш жоизки, Жаҳон банки иштирокидаги амалдаги лойиҳалар портфели кейинги бир неча йилда 2 баробар кўпайган. Умуман, банкнинг Ўзбекистонга инвестициялари ҳажми 10 миллиард долларга етган.
Аввалроқ Шавкат Мирзиёев АҚШ давлат котиби Энтони Блинкен бошчилигидаги делегацияни қабул қилгани ҳақида хабар берилганди.
