Шавкат Мирзиёев ижтимоий-иқтисодий ислоҳотларнинг бориши билан танишиш мақсадида 24 февраль куни Қашқадарё вилоятига жўнаб кетди. Бу ҳақда Президент матбуот хизмати хабар берди.

Қайд этилишича, давлат раҳбари ташриф давомида маҳаллалар ҳаёти, таълим муассасалари ва саноат корхоналари фаолиятини кўздан кечиради.

«Бундан ташқари, янги лойиҳалар ишга туширилиши режалаштирилган. Шунингдек, вилоятни ривожлантиришнинг муҳим йўналишлари белгиланади», дейилади хабарда.

Эслатиб ўтамиз, Шавкат Мирзиёев охириги марта Қашқадарёга 2022 йил 21 апрель куни расмий ташриф борганди. Ўшанда Президент ташрифни янги ташкил этилган Кўкдала тумани фаоллари билан мулоқотдан бошлаганди.