15:13 | 11.11.24
Шавкат Мирзиёевни Саудия Арабистонида кутиб олишди
Шавкат Мирзиёев Саудия Арабистонига етиб борди. Ўзбекистон раҳбарини шаҳзода Муҳаммад бин Абдураҳмон кутиб олди (фото).
Шавкат Мирзиёев 11 ноябрь куни амалий ташриф билан Ар-Риёд шаҳрига келди. Бу ҳақда Президент матбуот хизмати хабар берди.
Подшоҳ Холид номидаги халқаро аэропортда давлатимиз раҳбарини Ар-Риёд вилояти раҳбарияти – шаҳзода Муҳаммад бин Абдураҳмон бин Абдулазиз ва бошқа расмий шахслар кутиб олди.
Бугун, 11 ноябрь куни Ўзбекистон етакчиси навбатдан ташқари Араб-ислом саммитида иштирок этади. Тадбир кун тартибига мувофиқ, Ғазо ва Ливандаги кескинликни тез фурсатда камайтириш, можарони сиёсий-дипломатик йўл билан ҳал этиш масалалари кўриб чиқилади.
