Қорақалпоғистондан Тошкентгача бўлган масофани велосипедда босиб ўтган Равшан Яхшимуродовга велосипед совға қилинди. Бу ҳақда Туризм ва спорт вазирлиги матбуот хизмати хабар берди.

Қорақалпоғистонлик велосипедчи Равшан Яхшимуродов Қорақалпоғистоннинг Беруний туманидан Тошкентгача велосипедда ҳаракатланган. Туризм ва спорт вазирлиги бунинг учун Яхшимуродовга замонавий велосипед совға қилди.

У келгусида Марказий Осиё бўйлаб веломорофон ташкил қилиш режаси борлигини айтди.

Aввалроқ Германия велоспорт мураббийи Токио-2020 Олимпиадасидан четлатилгани ҳақида хабар берилганди. Шунингдек, ўзбекистонлик велоспортчи Токиода-2020 Олимпия ўйинларида қандай натижа қайд этгани маълум қилинганди.