Yangiliklar 20:34 | 29.12.2021

Otabek Umarovdan Akbar Jo‘raevgacha. Yilning eng yaxshilari uchun taqdim etiladigan nominatsiyalar kimlarga berildi?

O‘zbek sportining 2021 yil yakunlariga bag‘ishlangan “Uzbekistan Sport Awards-2021” taqdirlash marosimi bo‘lib o‘tdi.

Foto: Turizm va sport vazirligi axborot xizmati

Ushbu tadbirda laureatlar quyidagi nominatsiyalar va sovrinlar bilan taqdirlandi:

  • “Sport sohasidagi ko‘p yillik xizmati uchun” O‘zbekiston sport faxriylari kengashi raisi Bahodir Maxsitov taqdirlandi.
  • “Yilning eng faol ommaviy sport targ‘ibotchisi” — Mudofaa vazirligi sport markazi.
  • “Yilning eng faol sport jurnalisti” — “Sport TV” telekanali jurnalisti Shafoat Tolibjonova.
  • “Yilning eng faol sport foto muxbiri” — O‘zbekiston Milliy axborot agentligi va “Olamsport.com” sayti fotomuxbiri Almurat Mamadaminov.
  • “Yilning eng faol sport muxlisi” — Abdurahmon Fozilov.
  • “Sport yo‘nalishi bo‘yicha yilning eng faol matbuot xizmati” — O‘zbekiston futbol assotsiatsiyasi.
  • “Yilning eng faol sport sayti” sifatida “Sports.uz” sayti e'tirof etildi.
  • “Yilning eng faol sport maktabi” sifatida Buxoro tumani bolalar-o‘smirlar sport maktabi e'tirof etildi.
  • “Yilning eng yaxshi murabbiyi” — Tokio-2020 Olimpiya o‘yinlari chempioni Ulug‘bek Rashitovning murabbiyi xan Pavel.
  • “Yilning eng yaxshi yosh sportchisi” — boks bo‘yicha o‘smirlar o‘rtasida jahon chempioni Nigina O‘ktamova.
  • “Yilning eng yaxshi yosh sportchisi” — erkin kurash bo‘yicha o‘smirlar o‘rtasida jahon chempioni Kamronbek Kadamov.
  • “Yilning eng tomoshabop sport tadbirlari tashkilotchisi” — O‘zbekiston aralash jang san'atlari assotsiatsiyasi.
  • “Yilning eng matonatli erkak sportchisi” — para engil atletika bo‘yicha Tokio-2020 Paralimpiya o‘yinlari g‘olibi Elbek Sultonov.
  • “Yilning eng matonatli ayol sportchisi” — para engil atletika bo‘yicha Tokio-2020 Paralimpiya o‘yinlari g‘olibi Nurxon Qurbonova.
  • “Yilning eng yaxshi para sport murabbiyi” — para engil atletika bo‘yicha murabbiy Sardor Abduxoliqov.
  • “Yilning eng yaxshi yosh matonatli sportchisi” — para engil atletika bo‘yicha Tokio-2020 Paralimpiya o‘yinlari g‘olibi Boburjon Omonov.
  • “Yilning eng yaxshi yosh matonatli sportchisi” — para engil atletika bo‘yicha Tokio-2020 Paralimpiya o‘yinlari g‘olibi Asila Mirzayorova.
  • “Yilning eng saxiy sport homiysi” — “QizilqumTsement” aktsiyadorlik jamiyati, “Olmaliq kon-metallurgiya kombinati” aktsiyadorlik jamiyati, “O‘zbekiston temir yo‘llari” aktsiyadorlik jamiyati va “Orient Finans Bank” – xususiy aktsiyadorlik tijorat banki.
  • “Yilning eng halol hakami” sifatida dzyudo bo‘yicha xalqaro toifadagi hakam, xalqaro dzyudo federatsiyasining ko‘plab musobaqalardagi asosiy bahslarida hakam sifatida ishlagan Ramziddin Saidov e'tirof etildi.
  • “Yilning eng yaxshi sport federatsiyasi” — O‘zbekiston kamondan otish federatsiyasi.
  • “Yilning eng intiluvchan federatsiyasi” — O‘zbekiston o‘q otish federatsiyasi.
  • “Sport sohasidagi xalqaro hamkorlikni kuchaytirishga qo‘shgan hissasi uchun” — Osiyo Olimpiya Kengashi vitse-prezidenti Otabek Umarov taqdirlandi.
  • “Yil kashfiyoti” — taekvondo bo‘yicha Olimpiya o‘yinlari chempioni Ulug‘bek Rashitov.
  • Muxlislar o‘rtasidagi so‘rov natijalariga ko‘ra, “Yilning eng yaxshi sportchisi” — boks bo‘yicha Olimpiya o‘yinlari chempioni Bahodir Jalolov.
  • Respublika Komissiyasi xulosasiga ko‘ra, “Yilning eng yaxshi sportchisi” O‘zbekiston Milliy kubogi g‘olibi — og‘ir atletika bo‘yicha Olimpiya o‘yinlari va jahon chempioni Akbar Jo‘raev.

Avvalroq Akbar Jo‘raev yilning eng yaxshi sportchisi bo‘lgandi. Shuningdek, O‘zbekistonda yilning eng yaxshi sportchisi mukofotini topshirish marosimi boshlangani xabar qilingan.