Boks-U22. 24 yanvar kuni 6 nafar o‘zbekistonlik bokschi ringga ko‘tariladi

Toshkent shahrida bo‘lib o‘tayotgan boks bo‘yicha yoshlar o‘rtasidagi Osiyo chempionatida 24 yanvar kuni 6 nafar o‘zbekistonlik bokschi ringa chiqadi. Bu haqda Milliy Olimpiya qo‘mitasi matbuot xizmati xabar berdi.

xabarga ko‘ra, 24 yanvar kuni o‘tkaziladigan vazn toifalarida olti nafar o‘zbekistonlik bokschi ringga ko‘tarilishi belgilangan. Quyida ular bilan tanishing:

• -48 kilogramm: Asilbek Jalilov – Qayum Ariffin (Malayziya);
• -50 kilogramm: Sabina Bobokulova – Ruhafzo Haqnazarova (Tojikiston);
• -51 kilogramm: Muhammadqodir Mamirjonov – Haykal Muhammad (Malayziya);
• -52 kilogramm: Feruza Kazakova – Mungunsaran Balsan (Mo‘g‘uliston);
• -54 kilogramm: Shahzod Muzaffarov – Imdad Muhammad (Malayziya);
• -75 kilogramm: Abdulaziz Abdupattaev – Daniyar Omarbek uli (Qirg‘iston).

Bellashuvlar Toshkent vaqti bilan 16:00 da boshlanadi.

Avvalroq Javohir Tog‘aymurodov tojikistonlik bokschiga mag‘lub bo‘lgani va Dilshod Abdumourodov iroqlik raqibi ustidan g‘alaba qozongani xabar qilingan.