16:10 | 21.05.23 2592
Сурхондарёда эркакнинг қўлларини боғлаб, куч ишлатган ИИБ ходимига нисбатан жиноят иши қўзғатилди
ИИБ ходими «мансаб ваколатидан четга чиққан» деб топилган
Сурхондарё вилояти Музработ туманида ИИБ ходими қўл-оёғи боғланган эркакка куч ишлатгани тўғрисидаги видео тарқалган эди. Унинг ҳаракатлари юзасидан хизмат текшируви ўтказилаётгани хабар қилинганди.
Текширув натижасига кўра, 19 май куни Жиноят кодексининг 206 моддаси (Ҳокимият ёки мансаб ваколати доирасидан четга чиқиш) 1 қисми, 140 моддаси (Ҳақорат қилиш) 3 қисми «а» банди билан ИИБ ходимига жиноят иши қўзғатилган.
Иш бўйича дастлабки тергов ҳаракатлари Музработ тумани прокуратураси томонидан олиб борилмоқда. Терговнинг боришини прокуратура назоратга олган.
