Сурхондарё вилояти Қумқўрғон туманида йўл ҳаракати қоидаларига амал қилмасдан ҳаракатланган ҳайдовчи поезд билан тўқнашди. Бу ҳақда Сурхондарё ИИБ ЙПХ матбуот хизмати хабар берди.

Маълум қилинишича, 2024 йил 6 август куни соат 12:40 ларда «Жозиба» маҳалласида 2000 йилда туғилган ҳайдовчи Lacetti «Қумқўрғон-Элбаён» темир йўл бекатига ўрнатилган огоҳлантирувчи светофорнинг тақиқловчи ишорасига бўйсунмай ҳаракатни давом эттирган. Оқибатда шу йўналишдан келаётган «Сариосиё-Термиз» йўловчи поезди билан тўқнашган.

Ҳодиса оқибатида ҳайдовчи олган тан жароҳатлари сабаб воқеа жойида вафот этган.

Ҳозирда ҳолат юзасидан Қумқўрғон тумани ИИБ Тергов гуруҳи томонидан терговга қадар суриштирув ишлари олиб борилмоқда.