Таниқли вайнер Дилшод Ўрозбоев (Dili me) озодликка чиқди. Унга нисбатан қўлланилган қамоққа олииш эҳтиёт чораси суд томонидан ўзгартирилиб, Dili me ҳибсдан озод этилган. Блогер саҳифасига онаси билан тушган суратини жойлаштирган.

Qalampir’нинг ёзишича, Дилшод Ўрозбоевнинг маъмури у ҳақиқатдан ҳам озод этилгани, ҳамда оиласи бағрига қайтганини тасдиқладиган.

Маълумот учун, блогерга нисбатан Жиноят кодексининг 277-моддаси билан жиноят иши қўзғатилган. У терговга бир неча маротаба чақиртирилишига қарамай, боришдан буйин товлаб келгани сабаб, 10 март куни ушланиб, терговга мажбуран жалб қилинган. 23 январь куни блогер Дилшод Ўрозбоев шериклари билан бир кишини уриб, унга тан жароҳати етказган.

Kun.uz’га кўра, калтакланган шахс 24 яшар эркак бўлиб, у вайнернинг куёви, синглисининг турмуш ўртоғи. Низога ўртада оилавий келишмовчилик сабаб бўлгани айтилмоқда, бироқ можаро айнан ниманинг ортидан келиб чиққани маълум эмас.