12:10 | 11.04.23 888
«Ташаббусли бюджет» учун овоз йиғишга мажбурлаш мажбурий меҳнатга тенглаштирилди
Бу бўйича Президент қарори имзоланди
Шавкат Мирзиёев «Ташаббусли бюджетлаштириш амалиётини янада такомиллаштириш ҳамда фаол маҳаллаларни қўллаб-қувватлаш чора-тадбирлари тўғрисида»ги қарорни имзолади.
Қарорда тизимга оид бир қатор вазифа ҳамда қоидалар белгиланди. Жумладан:
- 2 мингдан ортиқ овоз тўплаган, лекин ғолиб бўлмаган 1309 та лойиҳа учун ҳам қўшимча равишда 1,3 триллион сўм маблағ ажратилади;
- 2023 йил 1-мавсумда ғолиб деб топилган 2975 та лойиҳанинг ўз вақтида ва сифатли амалга оширилиши қатъий назоратга олинади.
Бунда:
- жиҳозлаш бўйича лойиҳаларни амалга ошириш сўнгги муддати этиб 2023 йилнинг июл ойи;
- қурилиш ва таъмирлаш ишлари бўйича лойиҳаларни амалга ошириш сўнгги муддати этиб август ойи белгиланади;
- ташаббусли бюджетлаштириш жараёнлари доирасида бюджет ташкилотларининг раҳбар ходимлари томонидан мажбурий овоз йиғиш бўйича ходимларга топшириқ беришлари тақиқланади. Бунда, мажбурий овоз йиғишга мажбурлаш тегишли ташкилот ходимларини мажбурий меҳнатга жалб қилиш сифатида таснифланади;
- ташаббусли бюджет жараёнида овоз тўплаш ва ғолибларни аниқлаш механизмини танқидий кўриб чиқиш, жумладан, кенг жамоатчилик билан муҳокама қилган ҳолда таклифлар ишлаб чиқишни назарда тутувчи чора-тадбирлар режаси тасдиқланди.
Мавзуга доир: «Ташаббусли бюджет»да ғолиб бўлмаган 1300 дан ортиқ лойиҳалар учун қўшимча 1,3 трлн сўм маблағ ажратилади
Аввалроқ Тошкент вилоятида Open Budget’да овоз йиғиш учун мактаб ўқувчиларидан пул йиғилаётгани ҳақида хабар берилганди.
