Термиздаги «Сурхон Арена» стадионида ERIELL Group томонидан қиймати 1,5 миллион АҚШ долларига тенг реконструкция ишлари бошланди.

Стадионда ўтказилган текширувдан сўнг, уни замонавийлаштириш, томошабинлар ўриндиқлари, инфратузилма, шу жумладан майсазор сифатини ва бошқа масалаларни такомиллаштириш бўйича режа тузиб чиқилган.

Cтадионнинг махсус ёритилиши FIFA’нинг алоҳида тартибларига мувофиқ таъминланиши режалаштирилган. Стадион қуриб битказилгандан сўнг, ФКА (Футбол клублари ассоциацияси) лицензиялаш стандартларига жавоб берадиган холга келтирилади. Замонавийлаштириш жараёни ниҳоясига етгач, стадион сифатли ўйинларни ўтказиш учун керакли стандартларга жавоб бера олади ва яна кўплаб футбол мухлисларини уйига айланади.

Бу ўзгаришлар Ўзбекистоннинг Сурхондарё вилояти футболи ривожига салмоқли ҳисса қўшади. Айниқса, ҳудуднинг ёш авлоди учун муҳим аҳамиятга эга бўлади. Эслатиб ўтиш керак, бу йилги мавсумда «Сурхон» ПФК футболчилари Ўзбекистон Суперлигаси ва Ўзбекистон Кубоги ўйинларида юқори натижаларга эришди. Ҳозирда жамоа клуб тарихидаги энг яхши натижаларни кўрсатиб келмоқда. Шу билан бир қаторда, кўплаб ёш сурхондарёлик футболчиларни жамлаб олган клуб Академияси ишларига алоҳида аҳамият берилмоқда.

Маълумот ўрнида, ERIELL Group бошқарув раиси Бахтиёр Фозилов 2023 йилдан «Сурхон» профессионал футбол клубига раҳбарлик қилиб келади.

Реклама