8:28 | 23.06.23 1618
Тест синови учун тўловни амалга оширмайдиган абитуриентлар тоифаси маълум қилинди
Белгиланган тоифа шахслар Президент Қарори ва Фармонига кўра тўловдан озод этилган
Қонун ҳужжатларида белгиланган тартибда тест синови тўловидан озод этилган шахсларнинг тоифалари маълум қилинди.
Унга кўра:
- тест синовлари ташкил этилаётган йилда таълим муассасаларини тугатган абитуриентлар;
- ногиронлиги бўлган шахслар;
- тўлиқ давлат таъминотидаги шахслар (Меҳрибонлик уйи ва Болалар шаҳарчасининг битирувчилари);
- «Ижтимоий ҳимоя ягона реестри» ахборот тизимида рўйхатга олинган шахслар ва уларнинг фарзандлари;
- «Ёшлар дафтари» га киритилган ёшлар;
- имтиёз асосида тўғридан-тўғри талабаликка тавсия этиладиган абитуриентлар тўловни амалга оширмайди.
Юқорида санаб ўтилган тоифалар Ўзбекистон Республикаси Президентининг 2019 йил 14 майдаги Қарори ва 2022 йил 20 апрелдаги Фармонига мувофиқ тест синови учун тўловдан озод этилган.
