16:19 | 11.09.23

                       

Тошкент чанг-тўзон сабабли дунёнинг ҳавоси энг ифлос 10 та шаҳридан бирига айланди (видео)

Пойтахт ҳокимлиги шаҳар аҳолиси ва меҳмонларини огоҳлантирди.

Бугун, 11 сентябр куни соат 15:00 дан сўнг Тошкент шаҳрида чангли шамол бошланди. Шаҳар қисқа вақт ичида ҳаво сифати индекси бўйича дунёнинг ҳавоси энг ифлос 10 та шаҳридан бирига айланди. Бу бўйича статистика реал вақт режимида ҳаво сифатини қайд этиб борувчи IQAir платформаси томонидан тақдим этилди.

Фото: Telegram/«Новости от Насимова»

Қайд этилишича, Ўзбекистон пойтахтида айни пайтда кузатилаётган ҳаво айрим тоифадаги гуруҳлар учун носоғлом, деб баҳоланмоқда. Тошкент ҳозирда ҳавонинг ифлосланиши бўйича дунёда саккизинчи ўринга чиқиб олган.

Пойтахт ҳокимлиги эса шаҳар аҳолиси ва меҳмонларини ноқулай об-ҳаво шароитида автотранспорт воситаларини дарахтлар тагида қолдирмасликка чақирган.

Эслатиб ўтамиз, аввалроқ 11 сентябр куни Ўзбекистонда шамол тезлиги 21-23 метр/секундгача кучайиши ва чанг-тўзон кузатилиши мумкинлиги ҳақида хабар берган эдик.

Мавзуга доир хабарлар билан танишинг: