Тошкент вилоятида 6 та автомобил иштирокида ЙТҲ содир бўлди
Машина ҳайдовчилари ҳаракат давомида оралиқ масофани сақлашмаган.
Шу йилнинг 21 октябр куни Тошкент вилоятининг Ўрта Чирчиқ туманида 6 та транспорт воситаси иштирокида йўл-транспорт ҳодисаси содир бўлди. Бу ҳақда вилоят ЙҲХБ хабар берди.
Унга кўра, ушбу машиналар ўша куни соат 20:00 ларда туман ҳудудидан ўтган 4Р-22 автомобил йўлининг 20-километрига етганда содир бўлган.
Натижада, ушбу ЙТҲда 6 та транспорт воситалари бир-бирлари билан тўқнашиб кетишган. Унга машиналар ҳайдовчиларининг оралиқ масофани сақламагани сабаб бўлган.
Ҳайдовчиларга биринчи тез тиббий ёрдам кўрсатилган. Ҳодиса оқибатида оғир тан жароҳати олган фуқаролар йўқ.
Эслатиб ўтамиз, аввалроқ ҳайдовчиларнинг йўл талашиши натижасида Фарғонада учта автомобил иштирокида ЙТҲ содир бўлган эди.
