Тошкентда 7 ёшли қизга тегажоғлик қилган  55 ёшли эркак 18 йилга озодликдан маҳрум этилди. Бу ҳақда  «Сукут сақлама» лойиҳаси (Nemolchi.uz) хабар берди.

Қайд этилишича, воқеа 2023 йилнинг июн ойи бошида содир бўлган. Эркак  қизнинг орқасидан бориб, уни мушти билан қўрқитган ва тегажоғлик қилган.

Қиз воқеани ота-онасига айтиб берганидан сўнг, улар зудлик билан ҳуқуқ-тартибот идораларига мурожаат қилган. Эркакнинг бу ҳаракати аҳоли томонидан ўрнатилган кузатув камералари ёрдамида аниқланганидан сўнг, у 24 соат ичида қўлга олинган.

Аниқланишича, у илгари  ҳам вояга етмаганларга нисбатан номақбул хатти-ҳаракатлари учун жиноий жавобгарликка тортилган.

Маълум қилинишича, 2023 йил 20 сентябр куни мазкур жиноятни содир этган Х.А. Жиноят ишлари бўйича Мирзо Улуғбек туман суди томонидан Жиноят кодексининг 119-моддаси (жинсий эҳтиёжни зўрлик ишлатиб ғайритабиий усулда қондириш) 4-қисми билан айбли деб топилиб, 18 йилга озодликдан маҳрум қилинган.

Эслатиб ўтамиз, аввалроқ Тошкентда 8 ёшли қизга тегажоғлик қилган катта ёшли киши ушлангани хақида хабар берилганди. Бундан ташқари, қўшнисининг 11 ёшли қизига тегажоғлик қилган эркак қўлга олингани ҳақида ҳам айтилганди.