Тошкентда қашқадарёлик аёл бир йўла тўрт наафар чақалоқни дунёга келтирди. Бу ҳақда POSTDA нашри хабар берди.

Маълум қилинишича, 2023 йилнинг 7 сентябр куни Тошкент шаҳридаги Республика перинатал марказида Мафтуна Тошева исмли аёл 4 нафар эгизакни дунёга келтирган. Аёлнинг турмуш ўртоғи Мурод Тошназаров Қарши шаҳри ИИБ ЖХХ ҲПГ «Равоқ» маҳалласи профилактика инспекторининг ёрдамчиси бўлиб ишлайди. У 1992 йилда Қашқадарё вилояти Косон туманида туғилган. 2018 йилда Қарши давлат университетини тамомлаб, тумандаги 6-сонли ўрта мактабда маънавиятчи лавозимида ишлаган.

Ички ишлар органларига бўлган қизиқиши туфайли 2022 йилда Қарши шаҳар ИИО ФМБ 4-сонли ИИБ ЖХХ ҲПГ «Равоқ» маҳалласи профилактика инспекторининг жамоат тартибини сақлаш бўйича ёрдамчиси лавозимига ишга қабул қилинган. Мурод Тошназаров рафиқаси Мафтуна Тошева билан 2019 йилда турмуш қурган.

Янги туғилган чақалоқларнинг барчаси соғлом экани маълум қилинди.