Тошкентда вақтинча бешта туманга газ етказиб берилмайди. Бу ҳақда «Ҳудудгаз Пойтахт» матбуот хизмати хабар берди.

Қайд этилишича, таъмирлаш ишлари туфайли Мирзо Улуғбек, Янгиҳаёт, Чилонзор, Юнусобод ва Бектемир туманларининг қуйидаги ҳудудларига 14 август куни табиий газ етказиб бериш вақтинча тўхтатилади.

Мирзо Улуғбек тумани (соат 10:00 дан 18:00 гача):

• Олий ҳиммат кўчасидаги 15 та ерли хонадон.

Янгиҳаёт тумани (соат 10:00 дан 17:00 гача):

• «Хўжа Учқун» МФЙ Ёшлар, Ғунча, Ҳидоят ва Дарё кўчаларидаги 224 та ерли хонадон;
• Улгуржи истеъмолчилар сони: 4 та.

Чилонзор тумани (соат 11:00 дан 16:00 гача):

• «Шарқ тонги» МФЙдаги 601 та ерли хонадон;
• «Хонтўпи» МФЙдаги 524 та ерли хонадон;
• «Хайриобод» МФЙдаги 432 та ерли хонадон;
• Улгуржи истеъмолчилар сони: 10 та.

Юнусобод тумани (соат 10:00 дан 17:00 гача):

• «Отчопар-1» МФЙдаги 280 та ерли хонадон ва 2 та кўп қаватли уйдаги 80 та хонадон;
• «Отчопар-2» МФЙдаги 260 та ерли хонадон ва 2 та кўп қаватли уйдаги 80 та хонадон;
• Улгуржи истеъмолчилар сони: 22 та.

Бектемир тумани (соат 09:00 дан 17:00 гача):

• «Устозлар» МФЙ Нурли кўчасидаги 190 та ерли хонадон;
• Улгуржи истеъмолчилар сони: 2 та.

Таъмирлаш ишлари тугатилгандан сўнг, табиий газ таъминоти қайта тикланади.

«Юзага келаётган ноқулайликлар учун газ таъминоти филиали истеъмолчилардан узр сўрайди», дейилади хабарда.