ИИББ матбуот хизмати ижтимоий тармоқлардаги фуқаролар ўртасида жанжал акс этган видео юзасидан маълумот берди.

Маълум қилинишича, ҳолат 2 июль куни Оҳангарон тумани Янгиҳаёт маҳалласи «Ветерок» дала ҳовлилари ҳудудида содир бўлган.

Фуқаро 1968 йилда туғилган С.Р. кўчага чиқинди ташлаган вақтида қўшниси 1996 йилда туғилган И.Н. бунга эътироз билдирган ва ораларида жанжал келиб чиққан.

Бу вақтда видео тасвирда кўринган аёллар уларни ажратиш учун ўртага тушганлар. Фуқаролар кейинчалик ўзаро ярашиб олишгани ва воқеа юзасидан ИИБга мурожаат қилмаганлари айтилмоқда.

Ҳозирда Оҳангарон тумани ИИБ томонидан ҳолат назоратга олиниб, қўшимча суриштирув ҳаракатлари олиб борилмоқда.