22:18 | 14.06.23 2332
Тошкентда Қизил китобга киритилган қушни сотмоқчи бўлган шахслар қўлга олинди
Улар бу орқали бир қанча қонунларни бузган
Тошкент шаҳрининг Учтепа тумани, Ширин кўчасида икки нафар шахс Қизил китобга киритилган лочин қушини тегишли рухсатномасиз ноқонуний равишда сотаётгани аниқланди.
Ушбу ҳолатда фуқаролар «Табиатни муҳофаза қилиш тўғрисида»ги Қонуннинг 21-моддаси ҳамда «Маъмурий жавобгарлик тўғрисида»ги кодекснинг 90-моддасида белгиланган ҳуқуқбузарликни содир этган.
Ҳозирда ҳолат юзасидан тўпланган ҳужжатлар Жиноят ишлари бўйича Учтепа туман судига тақдим этиш учун тайёрланаётгани маълум қилинади.
Қуш ҳолат бўйича қонуний тўхтамга келингунга қадар Тошкент ҳайвонот боғига топширилди.
