Тошкентда 12 ёшли қиз бедарак йўқолгани ҳақида хабар берилган эди. Ўзбекистон қидирув-қутқарув отряди Instagram саҳифасида қиз топилганини маълум қилди.

Қайд этилишича, Веретенник Любовь 2024 йил 5 август куни соат 20:30 да уйдан чиқиб кетиб, қайтиб келмаган.

7 август куни Татьяна исмли аёл Чилонзор туманида қизни бир йигит билан юрганини кўрган. Бу ҳақда аёл UzAlert гурухига хабар берган.

Шундан сўнг, қиз соғлом ҳолда топилиб, Ўзбекистон қидирув-қутқарув отряди томонидан оила-аъзоларига топширилган.