Тошкентда машинасига антенна ўрнатиб, ахлоқсиз сўз ишлатган боланинг отаси жазоланди
Автомашина жарима майдонига жойлаштирилган
Ижтимоий тармоқларда вояга етмаган шахс Matiz русумли машинасига рухсат этилмаган антена қурилмасини ўрнатиб, ахлоқсиз сўз ишлатганлиги акс этган видео тарқалганди. Бунга нисбатан Тошкент шаҳар ИИББ ЙҲХБ ходимлари томонидан боланинг отасига чора кўрилди.
Таъкидланишича, ушбу ҳаракатларни Тошкент вилояти Зангиота туманида яшовчи 2007 йилда туғилган фуқаро Ж.Д. содир этганлиги аниқланди.
Шунингдек, Ж.Д.нинг отаси 1984 йилда туғилган К.Ю.га нисбатан Ўз.Р. МЖТКнинг 47-моддаси (Болаларни тарбиялаш ва уларга таълим бериш борасидаги мажбуриятларни бажармаслик) ҳамда 125-моддаси 3-қисмига мувофиқ маъмурий баённомалар расмийлаштирилиб, автомашина вақтинчалик сақлаш учун жарима майдонига жойлаштирилди.
