12:37 | 26.04.23

                       

Тошкентда ўқувчи қизлар бошқа бир қизни ертўлада калтаклади — видео

Мазкур ҳолат юзасидан тергов-суриштирув ишлари олиб борилмоқда

Тошкентда ўқувчи қизлар ўзидан катта қизни ертўлада дўппослагани тасвирланган видео ижтимоий тармоқларда тарқалди. Пойтахт мактабгача ва мактаб таълими бошқармаси ҳолатга муносабат билдирди.

Маълум қилинишича, ушбу воқеа 2023 йил 25 апрел куни тахминан соат 15:00 ларда Шайхонтоҳур тумани «Самарқанд дарвоза» МФЙ, Учлола кўчаси 4-уйнинг ертўла қисмида содир бўлган.

Аниқланишича, шу тумандаги 82-сонли умумтаълим мактаби 7-синф ўқувчиси С.С. дугоналари Ч., С., Т. ва Г. билан бирга шу мактабнинг 8-синф ўқувчиси К.М.ни дўппослаган ҳамда тасвирга олинган видеони ўзининг Instagram’даги саҳифасига жойлаган.

Мазкур ҳолат юзасидан Шайхонтоҳур тумани ИИО ФМБ ходимлари томонидан тергов-суриштирув ишлари олиб борилмоқда.

Аввалроқ Тошкентдаги қурилиши тугалланмаган объектда икки нафар ўқувчи қиз бошқа бир қизни «самосуд» қилгани ҳақида хабар берилганди.

Мавзуга доир хабарлар билан танишинг: