Тошкентда трансформатор ёниб кетгани ҳақида хабар берилган эди. «Тошкент шаҳар электр тармоқлари» МЧЖ матбуот хизмати ёнғин сабабини аниқлади.

Маълум қилинишича, 15 август куни соат 20:56 да Тошкент шаҳар Олмазор тумани, Сағбон кўчасида жойлашган, трансформатор ва шу ерда жойлашган чойхонанинг том қисми ёниб кетган.

Шунга кўра, ёнғин-қутқарув теҳникалари айтилган манзилга соат 21:01 да етиб бориб, ёнғин соат 21:29 да ўчирилган. Ҳодиса оқибатида жароҳат олган ва ҳалок бўлганлар йўқ.

Ёнғин содир бўлган ҳудудда кузатув камераларидан олинган видеода ёш болаларнинг гугурт билан ўйнаши оқибатида ушбу ҳолат келиб чиққани аниқланди.

«Шу ўринда ота-оналардан ёш болларни қаровсиз қолдирмасликка ҳамда аҳолидан электр қурилмаларининг муҳофаза ҳудудларида турли хил тез ёнувчан буюмларни йиғмасликларини сўраб қоламиз», — дейилади хабарда.