Мирзо Улуғбек, Сергели ва Бектемир туманлари вақтинча газдан узилади. Бу ҳақда «Ҳудудгаз Пойтахт» матбуот хизмати хабар берди.

Қайд этилишича, таъмирлаш ишлари туфайли Мирзо Улуғбек, Сергели ва Бектемир туманларининг қуйидаги ҳудудларига 9 август куни табиий газ етказиб бериш вақтинча тўхтатилади.

Мирзо Улуғбек тумани (соат 10:00 дан 18:00 гача):

• «Алишеробод» МФЙдаги 347 та ерли хонадон ва 2 та кўп қаватли уйдаги 20 та хонадон;
• Улгуржи истеъмолчилар сони: 16 та.

Сергели тумани (соат 11:00 дан 16:00 гача):

• «Эшонбулоқ» МФЙ Муқанна ва Хонобод кўчаларидаги 467 та ерли хонадон;
• «Садоқат» МФЙ Табаррук ва Тавалло кўчаларидаги 730 та хонадон;
• «Хонобод» МФЙ Кичик сой кўчасидаги 125 та ерли хонадон;
• Улгуржи истеъмолчилар сони: 24 та.

Бектемир тумани (соат 11:00 дан 16:00 гача):

• Аҳоли истеъмолчилари сони: 2 та кўп қаватли уйдаги 60 та хонадон.

Таъмирлаш ишлари тугатилгандан сўнг, табиий газ таъминоти қайта тикланади.