Олмазор, Сергели ва Бектемир туманларига табиий газ етказиб бериш тўхтатилади. Бу ҳақда «Ҳудудгаз Пойтахт» матбуот хизмати хабар берди.

Қайд этилишича, таъмирлаш ишлари туфайли Олмазор, Сергели ва Бектемир туманларининг қуйидаги ҳудудларига 16 август куни табиий газ етказиб бериш вақтинча тўхтатилади.

Олмазор тумани (соат 10:00 дан 17:00 гача):

• «Зиё», «Ғ. Аъзамов» ва «Ачаобод» МФЙларидаги 1102 та ерли хонадон ва 11 та кўп қаватли уйдаги 1074 та хонадон;
• Улгуржи истеъмолчилар сони: 12 та.

Сергели тумани (соат 10:00 дан 17:00 гача):

• «Хонободтепа» МФЙ Хонободтепа 1-2-3-тор кўчаларидаги 280 та ерли хонадон;
• Улгуржи истеъмолчилар сони: 2 та.

Бектемир тумани (соат 10:00 дан 16:00 гача):

• «Бектемир» МФЙ Биллур, Ихлос, Олмос ва Бектемир шох кўчаларидаги 445 та ерли хонадон;
• Улгуржи истеъмолчилар сони: 29 та.

Таъмирлаш ишлари тугатилгандан сўнг, табиий газ таъминоти қайта тикланади.

Юзага келаётган ноқулайликлар учун газ таъминоти филиали истеъмолчилардан узр сўрайди.