Пойтахт туманларининг айрим ҳудудларида «свет» вақтинча ўчирилади. Бу ҳақда «Тошкент шаҳар электр тармоқлари» МЧЖ матбуот хизмати хабар берди.

Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш ҳамда мавжуд электр қурилмаларида таъмирлаш ишларини олиб бориш мақсадида 13 август куни қуйидаги манзилларда электр таъминоти вақтинча ўчирилади:

• Миробод тумани: «Фурқат» МФЙларининг айрим ҳудудларида соат 09:30 дан 17:00 гача;
• Яшнобод тумани: «Ҳосиятли» МФЙнинг айрим ҳудудларида соат 10:00 дан 13:00 гача, «Олмос» МФЙнинг айрим ҳудудларида соат 14:00 дан 18:00 гача;
• Чилонзор тумани: «Гавҳар» ҳамда «Навбаҳаор» МФЙларининг айрим ҳудудларида соат 09:30 дан 17:00 гача.

Юқоридаги ҳудудларда таъмирлаш ишлари белгиланган вақтдан аввалроқ якунланиши мумкин.